गह्रौ होला भारी (गजल)

गह्रौ होला भारी मनको बिसाएर जाऊ
पयूँ फुल्ने गाउँको माया मिसाएर जाऊ

वसन्तमा फुल्ने पयूँ गाला उस्तै रिसाउदा
र त जाँदा अलि-अलि रिसाएर जाऊ

मौसम उस्तै खडेरीको उस्तै चर्को गर्मी
जाँदा-जाँदै सोलु फाप्लु चिसाएर जाऊ

भोलि कुनै शिकायती हुनु हुन्न हिड्दै जाँदा
संकोच भए मनमा आजै पिसाएर जाऊ

कुर्नु हुन्न भोलि भविष्यको के छ कर्म
लक्ष्य चुम्न आफैलाई घिसाएर जाऊ ॥