सालाम "खाना बाखाछा"

सुम्नीमा पारुहाङओ अछाची
हेन्खाममा निनाम्माओ अदक्छाची
कुम्भकर्ण ओत्नी मान्इम्दानिन्
ओयोक्दा खारु चोङसा थिन्मादोत्त
यलम्बर साका साया दोत्याङसा यङानिन्
उङकान ओबाखादाओ बाखाछा
ओको आन्कोङे बाखा आन्कोङे चाखा
हान तायामा खियामाआ अलित्ताचुओ
मुकुबुङ छोप्मासमा अनुनिन
खम्बुहाङओ अयुङखा खिम होत्मा अनुनिन्
यङानिन आइङे बुढासुब्बा सेनानुम्
साकेन्वा च्याब्रुङ खोन्की हाक्पारे
साङको अनङदा युङयाङ
चोमलुङमा भेन्दाङकाओ आम बुसुयङरि खोइ ?
खाउ बुसुयङरिदा छाप्ताओ युङयाङ
खाना ओबाखादाओ बाखाछा तलिकिनाछे
मताने करासे वाइप्मी तलियुङ
आम मुन्धुम खोन्की बुसुयङरि खोइ ?
केन्ताओ कुइवाओ मुमायु बुसुयङरिआ
तछप्ताकी कुइँयामा हुत्दा तसक्युङ
दि हान्छे ओत्नीङे युङमाओ
यलखोम चौदण्डी खोन्की विजयपुराओ
आम बुसुयङरि खोइ ?
यलम्बर दाङका गस्ती तारिआ
आम हेन्कोप ताङखुन खोइ ?
दि हान्छे मान्चेप्माङङे तयुङओ ?
लेनलेन साकेन्वा च्याब्रुङओ सायादोत्सा
यलम्बरओ बाखा बोब्बी लाम्मादोत्त
आन हाङकोप बुसुयङरि लाम्मादोत्त
ओयोक्दा मान्चेप युङमा अनुनिन
साया चोङसा थिन्मादोत्त
ताया चोङसा थिन्मादोत्त ॥


(किरात राई वान्तावा भाषाको कविता)